برٹش چیمپئن شپ کے فاتح باڈی بلڈر راحت علی شاہ کی ڈی جی سپورٹس عدنان ارشد اولکھ سے ملاقات

لاہور(سپورٹس رپورٹر+نمائندہ سپورٹس) ڈائریکٹر جنرل سپورٹس پنجاب عدنان ارشد اولکھ سے برٹش چیمپئن شپ2018جیتنے والے پہلے پاکستانی نژاد برطانوی باڈی بلڈر سید راحت علی شاہ نے سپورٹس بورڈ پنجاب میں ملاقات کی۔ عدنان ارشد اولکھ نے کہا کہ سید راحت علی شاہ نوجوان باڈی بلڈرز کیلئے بہترین مثال ہیں۔باڈی بلڈنگ میں ہمارے ہاں بہت ٹیلنٹ ہے جس کو سامنے لانے کیلئے اقدامات کئے گئے ہیں،نوجوان باڈی بلڈرز کو جدید سہولتیں فراہم کررہے ہیں۔ راحت علی شاہ نے بتایا کہ وہ پہلے پاکستانی ہیں جنہوں نے مین فزیک کیٹیگری میں برٹش چیمپئن شپ میں پہلی پوزیشن حاصل کی۔