متعدد وارداتوں میں شہری لاکھوں روپے‘ زیورات‘ گاڑیوں اور موٹرسائیکلوں سے محروم

لاہور (نمائندہ خصوصی) لاہور میں مختلف مقامات پر متعدد وارداتوں میں شہری لاکھوں روپے مالیت کی نقدی، زیوارات اور قیمتی اشیاء سے محروم کر دیے گئے۔ ذرائع کے مطابق رائیونڈ سٹی کے علاقے میں مسلح ڈاکو دانیال کے گھر سے  5لاکھ 25ہزار مالیت کی نقدی، زیورات و دیگر اشیاء لوٹ کر فرار ہوگئے۔ باٹا پور کے علاقے میں مسلح ڈاکو صبور حسین اور فیملی سے اسلحہ کے زور پر 2لاکھ 80ہزار روپے کی نقدی اور طلائی زیوارات لوٹ کر لئے گئے۔ سمن آباد کے علاقے میں موٹر سائیکل سوار ڈاکو بلال اور فیملی سے1لاکھ 90ہزار کی نقدی و زیوارات۔ گارڈن ٹائون میں جاوید اور فیملی سے 75 ہزار نقدی و موبائل فون۔ بادامی باغ میں ابراہیم سے موٹر سائیکل سوار ڈاکو گن پوائنٹ پر 3 لاکھ 45ہزار۔گھڑی اور موبائل جبکہ نامعلوم چور ہنجروال اور ہربنس پورہ سے گاڑیاں جبکہ گوالمنڈی اور سندر سے موٹر سائیکلیں چوری کر کے فرار ہو گئے۔