ملک بھر میں ہمارے رفاعی منصوبے چل رہے ہیں : راجہ اشتیاق 

گوجرخان (نامہ نگار)دیار غیر میں مقیم پاکستانیوں کے دل پاکستانی عوام کے ساتھ دھڑکتے ہیں ملک بھر میں ہمارے رفاعی منصوبے چل رہے ہیں تعلیم صحت اور پینے کے صاف پانی کے پروجیکٹ بڑی کامیابی سے چل رہے ہیں جن سے ہزاروں لوگ مستفید ہورہے ہیں ان خیالات کااظہار راجہ اشتیاق چیئرمین قائداعظم ویلفیئر ٹرسٹ برطانیہ نے یہاں پوٹھوہار پریس کلب گوجر خان میں میڈیا سے گفتگو کرتے ہوئے کیااس موقع پر مرکزی انجمن تاجران گوجرخان کے صدر راجہ جواد،ضلعی صدر کسان ونگ پیپلزپارٹی راولپنڈی راجہ اختر،کریانہ ایسوسی ایشن گوجرخان کے ملک محبوب حسین، صوبیدار راجہ اشتیاق، شہزادہ خان، راجہ کاشف کاشی، خواجہ آصف، چوہدری امجد منظور بھی موجود تھے انہوں نے کہا کہ قائداعظم ویلفیئر ٹرسٹ برطانیہ کے گوجرخان سمیت ملک بھر میں تعلیمی اور رفاعی ادارے چل رہے ہیں جس میں تعلیمی مراکز، ہسپتال بنائے گئے ہیں مردان میں ٹرسٹ کے زیر اہتمام 670 پینے کے پانی کے منصوبے چل رہے ہیں۔برطانیہ میں مقیم پاکستانیوں نے گوجرخان، دینہ اور چکوال کیلئے تین فائر انجن فراہم کئے جن میں دو دینہ اور چکوال میں فائر انجن کام کر رہے ہیں مگر گوجرخان انتظامیہ لاکھوں روپے کا فائر انجن ہضم کرگئے ۔