طاہرصادق لاہورسے تحصیل فتح جنگ کے گاوںموضع جھنگ پہنچ گئے

ٹیکسلا(نمائندہ نوائے وقت)سابق ضلع ناظم اٹک ممبرقومی اسمبلی میجرطاہرصادق گزشتہ رات لاہورسے تحصیل فتح جنگ کے گاوںموضع جھنگ پہنچ گئے،اورانہوںنے یونین کونسل جھنگ کے سابق ناظم سرداربنارس خان مرحوم کی وفات پر اظہار تعزیت کیا،قبل ازیںوفاقی وزیرغلام سرور خان ، سابق ایم این اے ملک اعتبارخان کھنڈہ،سابق وفاقی وزیراورمسلم لیگ ن کے مرکزی رہنماء شیخ آفتاب احمداورسابق وفاقی وزیر مملکت ،پیپلز پارٹی راولپنڈی ڈویژن کے صدرسردارسلیم حیدر خان اورسابق چیئرمین یونین کونسل شاہراہ سعد اللہ ،ملک ممتازخان ماجھیا بھی اظہارتعزیت کیلیئے بنارس خان مرحوم کی رہائش گاہ پر گئے ، میجر طاہر صادق نے مرحوم کے بیٹے عدیل بنارس خان اور دامادایم پی اے سردارافتخاراحمدخان اورننھاخان سے خصوصی ملاقات کی،اورمرحوم کی وفات پر اظہارتعزیت کرتے ہوئے کہاکہ سرداربنارس خان مرحوم ہمارے ساتھ ہمدردی و تعلق کاخصوصی رشتہ رکھتے تھے،مرحوم کی وفات پر دلی صدمہ ہوا ہے ، خدا تعالیٰ کی ذات مرحوم کے درجات بلند کرے ،اس موقع پرسردارسلطان سکندر ،حاجی عدیل افضل خان،چیئرمین عامرلیاقت خان،سیٹھ حاجی میرافضل خان جھنگ ، محمود سکندر ،ذیشان سکندر،سہیل افضل خان،طلعت خان بھی موجودتھے۔