مکہ مکرمہ (ممتاز احمد بڈانی) سعودی عرب کے شہر نیوم میں پہلی انڈین فلم ’ڈنکی‘ کی شوٹنگ مکمل ہوئی ہے، جس میں بالی وڈ کنگ شاہ رخ خان نے کام کیا ہے۔ شاہ رخ خان نے فلم کی شوٹنگ مکمل ہونے کے بعد اپنے انسٹاگرام اکاؤنٹ پر بھی  ایک ویڈیو پوسٹ کی جس میں انہوں نے سعودی عرب کی وزارت ثقافت کا شکریہ ادا کیا۔ شاہ رخ خان نے عمرہ ادا کیا اور ریڈ سی فلم فیسٹیول میں شرکت کی۔ ریڈ سی انٹرنیشنل فلم فیسٹیول میں شاہ رخ خان کو فلمی دنیا میں خدمات کے اعتراف میں اعزازی ایوارڈ سے نوازا گیا۔