پاک بحریہ کے سابق سربراہ ایڈمرل سعید محمد خان انتقال کر گئے،نماز جنازہ آج ایچ الیون میں ادا ہو گی

اسلام آباد (نوائے وقت رپورٹ)  پاک بحریہ کے سابق سربراہ ایڈمرل سعید محمد خان اسلام آباد میں انتقال کر گئے۔ ترجمان پاک بحریہ کے مطابق ایڈمرل سعید محمد خان 1991ء سے 1994ء تک پاک بحریہ کے سربراہ رہے اور ان کا پاکستان نیوی کی تعمیر و ترقی اور دفاع وطن میں ان کا کلیدی کردار رہا۔ چیف آف دی نیول سٹاف ایڈمرل محمد امجد خان نیازی نے ایڈمرل سعید محمد خان کے انتقال پر افسوس کا اظہار کرتے ہوئے کہا کہ اللہ تعالی مرحوم کے درجات بلند کرے اور ان کے لواحقین کو صبر جمیل عطا فرمائے۔