وحہ( نوائے وقت نیوز) فٹ بال ورلڈ کپ میںفرانس ، انگلینڈ کوارٹر فائنل میں پہنچ گئے، پولینڈ ، سینی گال کو شکست تفصیل کے مطابق دفاعی چیمپئن فرانس نے پولینڈ کو ایک کے مقابلے میں 3 گول سے ہرا کر ورلڈکپ فٹبال کے کوارٹر فائنل میں جگہ بنالی۔فرانس کی جانب سے اولیور جیراڈ نے 44 ویں منٹ میں گول کرکے ٹیم کو 0-1 کی برتری دلائی۔اولیور جیراڈ نے گول کرکے فرانس کی جانب سے سب سے زیادہ 51 گول کا تھیاری ہینری کا ریکارڈ بھی توڑ دیا۔فرانسیسی فٹبالر امباپے نے دو گول اسکورکیے، انہوں نے پہلا گول 74 ویں اور دوسرا گول انجری ٹائم میں کیا۔دوسری جانب پولینڈ کا واحد گول پینالٹی پر روبرٹ لیوانڈوسکی نے انجری ٹائم میں کیا۔جبکہ انگلینڈ نے سینی گال کوصفر کے مقابلے میں تین گول سے شکست دیکر کوارٹر فائنل میں جگہ بنالی۔ 
 ورلڈ کپ