راولپنڈی(سٹاف رپورٹر) ہیومن ریسورس مینجمنٹ سسٹم، ایچ آر آئی ایم ایس اور اسکول انفارمیشن سسٹم، ایس آئی ایس پر ایک روزہ تربیتی ورکشاپ کا انعقاد فیڈرل گورنمنٹ کے تعلیمی اداروں، کنٹونمنٹ اینڈ گیریڑن، چکلالہ ریجن نے کیا۔ اس موقع پر مہمان خصوصی FGEI چکلالہ ریجن کے GSOI لیفٹیننٹ کرنل آفتاب احمد تھے جبکہ GSOIII کیپٹن حافظ فیصل شریف اور پرنسپل شازیہ خانم بھی موجود تھیں۔اس موقع پر FGEIs چکلالہ ریجن کے GSOI لیفٹیننٹ کرنل آفتاب احمد نے کہا کہ ریجنل ڈائریکٹر بریگیڈیئر سجاد خان اور ان کی ٹیم چکلالہ ریجن کو FGEIs کا بہترین خطہ بنانا چاہتی ہے۔ اس مقصد کے حصول کے لیے ہر ممکن کوشش جاری رکھی جائے گی۔ہیومن ریسورس مینجمنٹ سسٹم، ایچ آر آئی ایم ایس اور سکول انفارمیشن سسٹم، ایس آئی ایس کے حوالے سے تعلیمی اداروں کے فوکل پرسنز جبکہ آزاد کشمیر، مری، جہلم کے تعلیمی اداروں کے فوکل پرسنز نے آن لائن شرکت کی۔تربیتی ورکشاپ کے ماسٹر ٹرینر سید حامد علی نقوی تھے۔