پاکستانی ٹیم پریشر میں‘ دباؤ مزید بڑھائیں گے: کالنگ ووڈ

 لاہور(سپورٹس رپورٹر) انگلش ٹیم کے اسسٹنٹ کوچ پال کالنگ ووڈ نے کہا ہے کہ پاکستان کے شائقین بہت شاندار ہیں اسی وجہ سے ہم سیریز کھیلنے آئے ہیں، پاکستانی ٹیم پریشر میں ہے دباؤ کو مزید بڑھائیں گے۔ پاکستان میں آکر کھیلنے پر بہت خوشی ہے، تمام کھلاڑی پاکستان میں کھیل کر محظوظ ہورہے ہیں کیونکہ شائقین بہت اچھے ہیں۔ بین سٹوک نے اس ٹیسٹ میچ کو بہت انجوائے کیا، پاکستان کے لوگ کرکٹ کو بہت زیادہ انجوائے کررہے ہیں جس کی وجہ سے ہمیں بھی میچ میں مزہ آرہا ہے۔ ٹیسٹ میچ میں آج کا دن سب کی توجہ کا مرکز رہے گا، مخالف ٹیم پریشر میں ہے اور ہماری کوشش ہوگی کہ اْن پر دباؤ کو مزید بڑھایا جائے کیونکہ ہم میچ کو نتیجہ خیز بنانا چاہتے ہیں، پاکستان کی کنڈیشنر کافی مختلف ہیں اور ٹیسٹ کرکٹ میں پچ کا کردار بہت اہم ہوتا ہے، بال بڑی مشکل سے ریورس ہورہی ہے۔ بائولرز کی کوشش ہو گی کہ پلیرز کو پریشر میں رکھا جائے، جانتے ہیں ہار کے بعد انگلش ٹیم پر بھی پریشر ہوگا، کوشش ہوگی جلد وکٹیں حاصل کریں، لڑکے اپنا سو فیصد دے رہے ہیں۔