گیند کو نمی دینے کیلئے جیک لیچ  کا سر بہترین تھا : جوروٹ

لاہور(سپورٹس رپورٹر)انگلینڈ کے کرکٹر جو روٹ نے پاکستان اور انگلینڈ کے درمیان جاری ٹیسٹ میچ میں ساتھی کرکٹر جیک لیچ کے سر سے گیند چمکانے کے پیچھے چھپے راز سے پردہ اٹھاتے ہوئے کہا ہے کہ اچھی گیند کیلئے کسی نا کسی طرح نمی حاصل کرنی ہوتی ہے، اس طرح کی فلیٹ وکٹ پر گیند کو گھومنے کیلئے اس پر کچھ وزن کی ضرورت ہوتی ہے۔جیک لیچ کی طرح کا ایک اچھا پسینے والا، گنجا سر گیند پر نمی حاصل کرنے کیلئے بہترین تھا، جیک کے پاس اچھا چہرہ ہونے کے علاوہ بھی اچھی چیز ہے، وہ کافی طرح سے ہمارے لیے مفید ثابت ہوتا ہے۔