لاہور(سپورٹس رپورٹر)انگلش ٹیم کے مڈل آرڈر بیٹر جو روٹ پاکستان کے خلاف پنڈی ٹیسٹ کی دوسری اننگز میں رائٹ ہینڈ کے بجائے لیفٹ ہینڈ بیٹر کی طرح بیٹنگ کرتے بھی نظر آئے۔پاکستان کے خلاف پنڈی ٹیسٹ میں جو روٹ کو متعدد مواقع پر ریورس سوئپ شاٹس کھیلتے دیکھا گیا ۔دوسری اننگز کے چوتھے روز ایک موقع پر جو روٹ پاکستانی لیگ سپنر زاہد محمود کی گیند پر لیفٹ ہینڈ بیٹر کے طور پر بھی سامنے آئے۔جو روٹ زاہد محمود کے چھٹے اوور میں رائٹ ہینڈ بیٹر کے بجائے لیفٹ ہینڈ بیٹر بن کر کھیلے اور انہوں نے شاٹ کھیل کر ایک رن بھی لیا۔