کراچی: سپرہائی وے پر مبینہ پولیس مقابلہ‘ ڈاکو مارا گیا

کراچی(این این آئی)سپر ہائی وے پر مبینہ مقابلے میں ڈاکو مارا گیا جبکہ نارتھ ناظم آباد میں ملزم اکیلا ہی واردات کرکے فرار ہوگیا۔تفصیلات کے مطابق نارتھ ناظم آباد کے علاقے میں موٹر سائیکل سوار ملزم جنرل اسٹور پر شہری سے رقم چھین کر رفو چکر ہوگیا۔لوٹ مار کے واقعے کی فوٹیج میں دیکھا گیا کہ ملزم شہری سے رقم چھین کر فرار ہوا تو اس سے موبائل فون گر گیا۔پولیس حکام کے مطابق سی سی ٹی وی فوٹیج کی مدد سے ملزم کی شناخت کی کوششیں جاری ہیں۔ادھر سپر ہائی جیلانی شاہ مزار کے قریب مبینہ مقابلہ ہوا، پولیس حکام کے مطابق فائرنگ کے تبادلے میں ڈاکو مارا گیا ہے۔