کراچی(این این آئی)کراچی سمیت  سندھ بھرمیںاتوارکویوم ثقافت جوش و خروش سے منایاگیا،اس موقع پر پیپلز بس سروس بھی سندھ کے ثقافتی رنگوں میں ڈھل گئی ہے۔تفصیلات کے مطابق اتوارکو سندھ کا یوم ثقافت بھرپور جوش و جذبے کے ساتھ صوبے بھر میں منایاگیا۔ مختلف سیاسی، سماجی اور ثقافتی تنظیموں کی جانب سے ہزاروں سال قدیم ثقافت کو اجاگر کرنے کے لیے تقریبات کا انعقاد کیاگیاوہیں پیپلز بس سروس بھی سندھ کے ثقافتی رنگوں میں ڈھل گئی ہے۔پیپلز بس سروس کی انتظامیہ نے سندھی ثقافت کے دن پر عوام کو مبارکباد پیش کرتے ہوئے اس دن کو بھرپور انداز میں منایاہے۔کراچی، حیدرآباد اور لاڑکانہ میں پیپلز بس سروس کا عملہ ثقافتی رنگوں میں سج گیا اور سب نے اجرک اور سندھی ٹوپی پہن لی ۔کراچی میں رات گئے عملے نے روایتی سندھی دھنوں پر رقص کیا اور ہزاروں سال قدیم ثقافت سے محبت کا اظہار کیا۔یوم سندھی ثقافت کے موقع پر پیپلز بس انتظامیہ کی جانب سے اہل حیدرآباد کے لیے خصوصی اعلان کیا گیااور5 کلومیٹر تک سفر کرنے والے مسافروں سے 30 روپے کرایہ وصول کیا گیا۔