لاہور(سپورٹس ڈیسک )بنگلہ دیش نے بھارت کو ایک وکٹ سے شکست دے کر تین ون ڈے میچوں کی سیریز میں ایک صفر کی برتری حاصل کرلی ۔ میر پور میںکھیلے گئے میچ میں بھارتی ٹیم  186رنز پر ڈھیر ہوگئی ۔ کے ایل راہول نے 73رنز بنائے ۔ شکیب الحسن نے پانچ جبکہ مہدی حسن میراز نے چار کھلاڑیوں کو آئوٹ کیا ۔ بنگلہ دیش نے ہدف نو وکٹوں پرپورا کرلیا ۔ کپتان لٹن داس نے 41اور مہدی حسن میراز نے ناقابل شکست 38رنز بنائے ۔ محمد سراج نے تین کھلاڑیوں کو آئوٹ کیا ۔ مہدی حسن میراز کو میچ کا بہترین کھلاڑی قرار دیا گیا ۔ بنگلہ دیش کی نویں وکٹ 136رنز پر گری تھی تاہم آخری وکٹ کی شراکت میں ہدف حاصل کرکے میچ اپنے نام کرلیا ۔