سبزی منڈی میںتجاوزات کی بھرمار، ٹریفک کی آمدورفت متاثر

ملتان( نمائندہ خصوصی )مارکیٹ کمیٹی اور ملتان ڈویلپمنٹ اتھارٹی کی مبینہ غفلت ملتان سبزی و فروٹ منڈی شاہ رکن عالم کے داخلی گیٹ اور مین شاہرا ہ پر تجاوزات کے باعث پر ٹریفک کی آمدورفت بری طرح متاثر، تجاوزات کی بھر مار سے مین سڑک سے گزرنے والی ہیوی ٹریفک کے لیے مسائل شدت اختیار کرگئے ہیں اس ابتر صورتحال کی وجہ سے منڈی کے اطراف میں رہاشی کالونیوں شاہ رکن عالم ، نیو ملتان کے مکینوں کا کوئی پرسان حال نہیں رہا ، رہی سہی کسر منڈی سے ملحقہ اور منڈی کے سامنے مین سڑک پر خوانچہ فروشوں نے ریڑھیاں لگا کر پوری کردی ہے جہاں دن رات سو سے زائد ریڑھیاں کھڑی رہنے سے ٹریفک  حادثات معمول بن چکے ہیں جس پر ایم ڈی اے انفورسمنٹ سیل اور نہ ہی مارکیٹ کمیٹی کے ارباب اختیار  کی طرف سے کوئی کاروائی عمل میں  لائی جا رہی یہی وجہ ہے کہ مذکورہ رہائشی علاقے میں خود ساختہ رکشہ اسٹینڈ بھی قائم ہونا شروع ہو گئے ہیں اس خوفناک صورتحال پر شنوائی نہ ہونے پر اہل علاقہ نے مارکیٹ کمیٹی اور ایم ڈی اے انتظامیہ سے مطالبہ کیا ہے کہ وہ تجاوزات کے خاتمے کے لیے ہنگامی بنیادوں پر ٹھوس اقدامات اٹھائیں بصورت دیگر شاہ رکن عالم اور نیو ملتان  کے رہائشی ایم ڈی اے اور مارکیٹ کمیٹی انتظامیہ کے خلاف  بھر پور احتجاج کرینگے۔