گائوں شاہ کوٹ بالاسڑک کی پختگی کاعمل چارسال گزرنے کے بعدبھی شروع نہ ہوسکا،عبدالقیوم ودیگر

اوگی(نامہ نگار)گائوں شاہ کوٹ بالاسڑک کی پختگی کاعمل چارسال کاعرصہ گزرنے کے بعدبھی شروع نہ ہوسکاجسکی وجہ سے لوگ شدیدمشکلا ت سے دوچارہیں،اہل علاقہ نے ارباب اختیارسے فوری نوٹس اورسڑک کی پختگی کاعمل شروع کرنے کامطالبہ کیاہے،اس سلسلے میں سابق ممبرتحصیل کونسل عبدالقیوم اوردیگراہلیان شاہ کوٹ نے میڈیاسے گفتگومیں اس اندھیری نگری چوپٹ راج پرشدیداحتجاج کرتے ہوئے کہاکہ چارسال قبل ہمارے سڑک پختگی کاٹینڈراورکام شروع ہوامگرٹھیکیدارنے پہلے سے موجودسڑک اکھاڑدیااورسڑک پختگی کاعمل شروع کرنے کی بجائے کام بندکردیاجوآج تک شروع نہیں ہوسکا،سڑک کی تباہ حالی سے لوگ شدیدسفری مشکلات سے دوچارہیں انہوں نے وزیراعلی،ڈی سی مانسہرہ ،اے سی اوگی اورمنتخب قیادت سے سڑک پختگی منصوبے پرفوری عملد رآمدکامطالبہ کیاہے۔