اسلام آباد (خبرنگار) چیئرمین سینٹ محمد صادق سنجرانی سے گوادر چیمبر آف کامرس اینڈ انڈسٹریزکے وفد نے  ملاقات کی۔ ملاقات میں گوادر، بلوچستان کی کاروباری صورت حال، اقتصادی پالیسی، انفراسٹرکچر کی ترقی اور گوادر میں تجارت اور سرمایہ کاری کو بڑھانے کی حکمت عملی پر تفصیلی تبادلہ خیال کیا گیا۔ وفد نے گوادر میں کاروباری برادری کو درپیش چیلنجز بارے چیئرمین سینٹ کو آگاہ کیا۔ چیئرمین سینٹ محمد صادق سنجرانی نے اقتصادی ترقی کو فروغ دینے کے حوالے سے گوادر چیمبر آف کامرس اینڈ انڈسٹریز (جی سی سی آئی)کی کوششوں کو سراہا۔