پشاور میں ورسک روڈ پر نجی بینک اورسکول کے قریب زور دار دھماکہ ہوا ہے۔دھماکا بارودی مواد پھٹنے سے ہوا، جس کی آواز دور دور تک سنائی دی گئی، واقعے کی اطلاع ملتے ہی پولیس اور ریسکیو ٹیمیں وقوعہ کی جانب روانہ ہوگئیں۔پولیس حکام کا کہنا ہے کہ دھماکے میں 3 بچے اور ایک شخص زخمی ہوا، جنہیں اسپتال منتقل کردیا گیا ہے۔ذرائع کا کہنا ہے کہ دھماکا نجی بینک اور اسکول کے قریب ہوا، جس سے 2 گاڑیوں اور قریبی عمارت کے شیشے ٹوٹ گئے، اطلاع ملتے ہی پولیس کی بھاری نفری اور ریسکیو ٹیمیں بھی پہنچ گئیں اور سیکیورٹی اداروں نے علاقے کو گھیرے میں لے لیا ہے۔جس کے نتیجے میں 2بچے زخمی ہو گئے، دھماکے کی اطلاع ملتے ہی ریسکیو ٹیمیں جائےوقوعہ کی طرف روانہ ہو گئیں۔