لاہور(سپورٹس رپورٹر) ساﺅتھ ایشین گیمز کے شوٹنگ کے مقابلے میں پاکستان نے مہوش، عذرا اور تزین اختر کی بدولت سلور میڈل حاصل کر لیا۔ قومی ٹیم نے 10 میٹر ٹیم ایونٹ میں دوسری پوزیشن حاصل کی جبکہ انڈر 21 کرکٹ ٹیم نے سری لنکا کو سیمی فائنل میں 6 وکٹوں سے شکست دیکر فائنل میں جگہ بنا لی۔ قومی ویمنز فٹ بال ٹیم کو سری لنکا کے خلاف واک اوو مل گیا۔ جبکہ والی بال کے فائنل میں پاکستان کو روایتی حریف بھارت کے ہاتھوں 3-1 ہٹ سے شکست ہوئی۔ دریں اثناءقومی وائٹ ہاکی ٹیم اپنا چوتھا میچ آج سری لنکا کے خلاف کھیلے گی۔ ساﺅتھ ایشین گیمز میں پاکستان کے مجموعی میڈلز کی تعداد 29 ہوگئی۔ بھارت 55 میڈلز کے ساتھ سرفہرست ہے۔