ڈیوس کپ کی ایشیااوشیانا ٹائی کےپہلےمرحلے میں کامیابی کے بعد اعصام الحق کی قیادت میں قومی ٹینس ٹیم وطن واپس پہنچ گئی۔

کراچی ایئرپورٹ پر میڈیا سےگفتگو کرتے ہوئے قومی ٹینس سٹاراعصام الحق اور پاکستان نمبرون عقیل خان کا کہنا تھا کہ سری لنکا میں میزبان ٹیم کے خلاف کامیابی ٹیم ورک کا نتیجہ ہے۔ انہوں نے بتایا کہ ایونٹ کے دوسرے مرحلےمیں پاکستان کا مقابلہ نیوزی لینڈ سےہوگا، اور یہ مرحلہ پانچ سے سات اپریل تک کھیلا جائے گا۔ انہوں نے پاکستان ٹینس فیڈریشن سے اپیل کی کہ نیوزی لینڈ کے خلاف گروپ ٹو کا دوسرا میچ پاکستان میں کھیلا جانا ہے، کسی ناخوشگوار واقعہ کی وجہ سے اگرپاکستان میں کھیلنا ممکن نہ ہوا تو فیڈریشن نیوٹرل مقام کے لئے ملائشیا کو ترجیح دے۔