برسبین(سپورٹس ڈیسک) جرمنی نے ڈیوس کپ ٹائی میں آسٹریلیا کو شکست دیدی ۔ گزشتہ روز جرمنی کے نمبر ون الیگزینڈر ژاروی نے آسٹریلیا کے نک کرجیئس کو ایک کے مقابلے میں تین فریم سے شکست دے کر ورلڈ کپ ٹائی کا مقابلہ جیت لیا ۔ الیگزینڈر کی کامیابی کا سکور چھ دو ‘سات تین اور چھ دو رہا ۔ جرمنی کا اب کوارٹر فائنل میں مقابلہ سپین یا برطانیہ سے ہو گا۔آسٹریلوی کھلاڑی نک کرجیئس کہنی کی تکلیف میں مبتلا تھے جس کا حریف کھلاڑی نے بھر پور فائدہ اٹھایا ۔ سپین نے ڈیوس کپ ٹائی میں انگلینڈ کو شکست دیدی لندن (سپورٹس ڈیسک) سپین نے ڈیوس کپ ٹائی میں انگلینڈ کو شکست دیدی۔ سپین کے البرٹ راموس نے کیمرون نوری کو ایک کے مقابلے میں تین سیٹس سے شکست دی ۔ سپین نے تین ایک سے کامیابی حاصل کرلی ۔راموس کی کامیابی کا سکور سات چار ‘دو چھ ‘سات چار اور چھ دو رہا۔برطانیہ اب پلے آف میچ میں رواں سال ستمبر میں مقابلہ کریگا‘ ورلڈ کپ میں جگہ برقراررکھنے کیلئے انگلش ٹیم کو یہ میچ جیتنا ضروری ہوگا۔سپین کو کوارٹر فائنل میں مقابلہ جرمنی سے اپریل میں ہوگا۔