زندگی پر فلم کے حوالے سے حتمی طور پر کچھ بھی طے نہیں ہو ا: ثانیہ مرزا

ممبئی(سپورٹس ڈیسک ) بھارتی ٹینس اسٹار ثانیہ مرزا ںے کہا ہے کہ ابھی تک ان کی زندگی پر فلم کے حوالے سے حتمی طور پر کچھ بھی طے نہیں ہوا تاہم انہیں خود کو اپنی نجی زندگی ظاہر کرنے کیلئے تیار ہونے میں کچھ وقت لگے گا۔روہت شیٹی کی جانب سے فلم بنانے میں دلچسپی کے حوالے سے ثانیہ مرزا نے کہاکہ میں نے کچھ لوگوں سے اس بارے میں سنا ہے لیکن حتمی طور پر کوئی فیصلہ نہیں ہوا تاہم ان کے ساتھ ہماری بات چیت جاری ہے۔ میں فیشن کے بارے میں زیادہ نہیں جانتی، اس سلسلے میں اپنی بہن کی مشکور ہوں وہی میری مدد کرتی ہے۔اپنے لباس کے بارے میں ثانیہ نے کہاکہ میں وہی پہننا پسند کرتی ہوں جس میں خود کو آرام دہ محسوس کروں۔