لاہور(سپورٹس رپورٹر+نمائندہ سپورٹس )بنگلہ دیش کرکٹ ٹیم کے سکیورٹی وفدنے پنڈی کرکٹ سٹیڈیم کا دورہ کیا، وفد نے ڈریسنگ روم اور سٹیڈیم کے دیگرمقامات کاجائزہ لیا۔پاکستان کے خلاف ٹیسٹ میچ کیلئے بنگلہ دیش کرکٹ ٹیم کا سکیورٹی وفد پنڈی کرکٹ سٹیڈیم پہنچا، جہاں اْس نے ڈریسنگ روم اور سٹیڈیم کے دیگر مقامات کا دورہ کیا۔پاکستان کرکٹ بورڈ کے ڈائریکٹر انٹرنیشنل کرکٹ ذاکر خان نے وفد کو سکیورٹی انتظامات پر بریفنگ دی، مہمان ٹیم کے سکیورٹی وفد نے انتظامات پر اطمینان کا اظہار کیا۔ ذاکر خان نے سکیورٹی وفد سے گفتگو کرتے ہوئے کہا کہ حکومت اور پی سی بی کی جانب سے سکیورٹی کے تسلی بخش انتظامات کیے گئے ہیں۔