لاہور(نامہ نگار)شہر کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیاہے۔تفصیلات کے مطابق ڈاکوؤں نے  راوی راڈ میں ارشد کے گھرسے 6لاکھ روپے مالیت، اچھرہ میں ڈاکوئوں نے ارسلان کے گھر سے ساڑھے 5لاکھ روپے مالیت،نواں کوٹ کے علاقہ میں انجم اور اس کی فیملی سے 4لاکھ روپے مالیت، گلشن اقبال میں اصغر علی اور اس کی فیملی سے 3لاکھ روپے مالیت، سمن آباد میں میں شوکت اوراس کی فیملی سے ڈھائی لاکھ رروپے مالیت ، مصری شاہ میںراشد اوراس کی فیملی سے 2لاکھ روپے مالیت، مغلپورہ میں توقیر اور اس کی فیملی سے ایک لاکھ روپے مالیت کی نقدی، طلائی زیورات،موبائل فون اور دیگر سامان ،رنگ محل میں میں کاشف سے ایک لاکھ10 ہزار روپے،بھاٹی کے علاقہ میں سلیم سے80ہزار وپے اورموبائل فون، کوٹ لکھپت میں تنویر سے28ہزار روپے اور موبائل فون لوٹ لیا ہے ۔ چوروں نے غالب مارکیٹ او سول لائنز کے علاقوں سے دوکاریں جبکہ شیراکوٹ، گلشن راوی، نواں کوٹ، نصیر آباد اورٹاؤن شپ کے علاقوں سے پانچ موٹرسائیکلیں چوری کرلی ہیں۔