کراچی (اسپورٹس رپورٹر)جنوبی افریقی فاسٹ باؤلر اینریچ نورٹی پاکستان کیخلاف آج سے شروع ہونے والے دوسرے ٹیسٹ کیلئے پرجوش ہیں جن کا کرکٹ جنوبی افریقہ کی جانب سے ریلیز کی ہوئی ویڈیو میں کہنا تھا کہ پہلے ٹیسٹ کے بعد ان کی ساتھی پلیئرز سے گفتگو ہوئی کہ انہوں نے کہاں غلطیاں کیں اور کون سے وقت وہ ٹھیک رہے اور اب یہ بات کلیئر ہو چکی ہے کہ وہ اس دورے پر کیا کچھ حاصل کرنا چاہتے ہیں۔پروٹیز پیسر کا کہنا تھا کہ کسی بیرونی مداخلت کے بغیر وہ اس بات پر متوجہ ہیں کہ انہیں کیا کرنا چاہئے اور وہ اطمینان کے ساتھ دوسرے ٹیسٹ کیلئے میدان میں داخل ہوں گے جس کیلئے بیشتر کام مکمل ہو چکا۔اینریچ نورٹی نے موسم کو ناقابل یقین حد تک بہترین قرار دیتے ہوئے کہا کہ انہیں سب سے زیادہ گرم موسم بھی18سینٹی گریڈ دیکھنا پڑا ہے۔