پی ایس ایل کا ہر کھلاڑی سپر اسٹارز اپنی ٹیم کو میچز جتوا سکتے ہیں: جیسن روئے

ملتان( سپورٹس ڈیسک)انگلینڈ کرکٹ ٹیم کے اوپننگ بیٹر اور پی ایس ایل میں کوئٹہ گلیڈی ایٹرز میں شامل جیسن روئے کا کہنا ہے کہ اکتوبر میں دورے کی منسوخی کے بارے میں انہیں نہیں معلوم کیا باتیں ہوئی تھیں، یہ فیصلے ان سے اوپر کے عہدیوالوں کے ہیں اور وہ اس پر اپنی رائے نہیں دے سکتے کہ انگلینڈ کو اس وقت جانا چاہیے تھا یا نہیں، فیصلہ باسز نے کیا تھا اور وہ اس کا احترام کرنے کے پابند تھے۔ جیسن روئے کا کہنا تھا کہ امید ہے جب انگلینڈ کی ٹیم ورلڈ کپ سے قبل ستمبر میں پاکستان کا دورہ کریگی تو پلیئرز یہاں کے معاملات خود دیکھ لیں گے ۔انہوں نے کہا کہ پاکستان سپر لیگ کھیل کر ہمیشہ اچھا لگا ہے، اس لیگ میں ہر ٹیم کے پاس سپر اسٹارز موجود ہیں جو میچز جتوا سکتے ہیں، بڑے ناموں کیساتھ ٹیلنٹیڈ نوجوان کرکٹرز کی بھی ایک بڑی تعداد پی ایس ایل میں شریک ہے۔