دیپال پور، اوکاڑہ (نامہ نگاران ) تیز رفتار ٹرالہ نے لوڈر رکشہ کو کچل دیا۔ تین افراد جاں بحق اور چار زخمی ہوگئے۔ جاں بحق ہونے والے افراد ایک ہی گائوں کے رہائشی تھے۔ نواحی علاقہ قلعہ ہرچند (پاکپتن بائی پاس دیپالپور) کے قریب تیز رفتار ٹرالہ نے لوڈر رکشہ کو کچل دیا جس کے نتیجہ میں رکشہ میں سوار تین افراد موقع پر ہی زخموں کی تاب نہ لا کر جاں بحق ہوگئے۔ چار زخمیوں کو ریسکیو1122نے تحصیل ہیڈکواٹر ہسپتال دیپالپور منتقل کر دیا ہے۔ جاں بحق ہونے والوں میں 35سالہ علی، 35سالہ محمد بشیر اور 45سالہ لقمان شامل ہیں۔ تمام کا تعلق ایک ہی گائوں چک بیدی ضلع پاکپتن سے بتایا جاتا ہے جو محنت مزدوری کے لئے دیپالپور جارہے تھے۔ ایک اطلاع کے مطابق حادثہ شدید دھند کے باعث پیش آیا۔
دیپالپور حادثہ