کراچی (اسٹاف رپورٹر) ایپکا میٹرک بورڈ کراچی یونٹ کے صدر عبدالوہاب لاکھو 36سال سے زائد بورڈ کی ملازمت کرنے کے بعد جمعہ 3فروری کو باعزت ملازمت سے ریٹائر ہوگئے۔ بورڈ ملازمین کی طرف سے ان کے اعزاز میں شاندار الوداعی تقریب کا انعقاد کیا گیا۔ اس موقع پر چیئرمین بورڈ سید شرف علی شاہ نے خطاب کرتے ہوئے کہا کہ ملازمین کی بے لوث خدمت کرنے پر لاکھو کو مبارکباد پیش کرتا ہوں اور دعاگو ہوں کہ یہ اپنی آئندہ زندگی میں بھی یونہی بھرپور کامیابیاں حاصل کریں۔ ڈائریکٹر ایجوکیشنل ریسرچ حور مظہر ‘ سیکریٹری بورڈ سید محمد علی شائق‘ ڈپٹی سیکریٹری ڈاکٹر نوید احمد۔ بورڈ کے ناظم امتحانات حبیب اللہ سہاگ‘ ڈپٹی سیکرٹری عمران طارق۔ طارق کریم۔ ایم اے جعفری۔ و بورڈ ملازمین کی بڑی تعداد بھی اس موقع پر موجود تھی۔