گالف کا کھیل فطرت کے قریب لاتا ہے:عارف علوی 

اسلام آباد(نمائندہ خصوصی)صدر مملکت ڈاکٹر عارف علوی نے ملک میں صحت مندانہ اور فطرت کے قریب سرگرمیوں کے فروغ کی ضرورت پر زور دیتے ہوئے کہا کہ گالف کا کھیل انسان کو فطرت کے قریب لاتا ہے، ورزش اور جسمانی مشقت انسانی صحت کے لئے ازحد ضروری ہیں۔  صدر مملکت نے اسلام آباد میں گولف ٹورنامنٹ کی اختتامی تقریب میں شرکت کی ۔تقریب میں پاکستان بحریہ کے سربراہ ایڈمرل محمد امجد خان نیازی، سی ای او سیرینا ہوٹلز عزیز بولانی اور مرد و خواتین گولفرز بھی شر یک تھے ۔ اس موقع پر خطاب کرتے ہوئے صدر مملکت نے کہا کہ فطرت سے قربت صحت مندانہ عمل ہے جو بہتر فیصلہ سازی میں مدد دیتی ہے۔ انہوں نے کہا کہ ملک میں گولف جیسی صحت مندانہ سرگرمیوں کا فروغ ضروری ہے۔ صدر مملکت نے انعامات بھی تقسیم کیے۔  
عارف علوی