فیروزوالہ( نامہ نگار) محکمہ زراعت تحصیل فیروز والاکے زیر اہتمام گندم کے نمائشی پلاٹ پر سیمینار کا انعقاد کیا گیا۔اس موقع پر محکمہ زراعت کے افیسرز اورکاشتکاروں نے بڑی تعداد میں شرکت کی۔ اسسٹنٹ ڈائریکٹر زراعت تحصیل فیروزوالا ڈاکٹر رانا قربان علی خان نے کہا کہ نمائشی پلاٹوں میں گندم کاشت کر کے جدید زرعی ٹیکنالوجی زمینداروں تک پہنچا رہے ہیں تاکہ کاشتکار زرعی خدمات سے بھرپور استفادہ حاصل کریں۔اس مقصد کی خاطر محکمہ زراعت کی ٹیمیں ہر وقت زمینداروں کی رہنمائی کرتی رہتی ہیں۔