راولپنڈی(جنرل رپورٹر) پاکستان پیپلز پارٹی کی بنیاد شہید بھٹو نے کشمیر ایشوز پر رکھی پیپلز پارٹی کی قیادت آج بھی کشمیریوں کی حمایت میں ان کے سا تھ کھڑی ہے ہم دنیا بھر میں کشمیریوں کیلئے ریفرنڈم کروائیں گے کشمیر پاکستان کی شہ رگ ہے ہم ان پر ظلم و بربریت کو ختم کرائیں گے ،ان خیالات کا اظہار حلقہ این اے 56سے پاکستان پیپلز پارٹی کی امیدوار سمیرا گل نے دی سالویشن آرمی چرچ کروپس راولپنڈی کے دور ے کے موقع پر خطاب کرتے ہوئے کیا ۔ انہوںنے کہا کہ پیپلز پارٹی اقلیتی برادری کے ساتھ کھڑی ہے ان کے مسائل حل کرنے کیلئے اپنا کردار ادا کرے گی،پاکستان پیپلز پارٹی سمجھتی ہے کہ جن لوگوں نے اس حلقے سے منتخب ہو کر مسائل میں اضافہ کیاانتخابات میں ایسے لوگوں کو مسترد کریں اور 8فروری کو تیر کے نشان پر مہر لگا کر حلقہ کے عوام کااستحصال کرنے والوں کو شکست دیں گے پاکستان پیپلز پارٹی کو بھاری اکثریت سے کامیاب کریں گے۔