لاہور(سپورٹس رپورٹر) آسٹریلیا نے دوسرے ون ڈے میچ میں ویسٹ انڈیز کو 83 رنز سے شکست دیکر تین میچوں کی سیریز میں 0-2 کی فیصلہ کن برتری حاصل کر لی ۔ سڈنی میں کھیلے گئے میچ میں آسٹریلیا نے 9 وکٹوں پر 258 رنز بنائے ، شان ایبٹ نے 69 رنز کی اننگز کھیلی ، میتھیو شارٹ 41 رنز کیساتھ دوسرے نمایاں رہے ، گڈاکیش موتی نے تین کھلاڑیوں کو آؤٹ کیا ۔ ویسٹ انڈیز کی ٹیم 43.3 اوورز میں 175 رنز بنا کر آؤٹ ہو گئی ۔ کیسی کارٹی نے 40 رنز بنائے۔ جوش ہیزل ووڈ اور شان ایبٹ نے تین ، تین کھلاڑیوں کو آؤٹ کیا ۔، شان ایبٹ کوپلیئر آف دی میچ قرار دیا گیا ۔