24گھنٹے میں 1124ٹریفک حادثات ‘ 11افراد جاں بحق ‘ 1152 زخمی

لاہور(نامہ نگار)صوبہ بھرمیں گزشتہ 24 گھنٹوں کے دوران 1124ٹریفک حادثات میں 11افراد جاں بحق جبکہ 1152 زخمی ہوئے ہیں۔ حادثات میں 635ڈرائیوز،47کم عمرڈرائیور، 382مسافراور146 پیدل چلنے والے افراد متاثر ہوئے۔ لاہور 290 متاثرین کیساتھ پہلے،فیصل آباد75 حادثات میں 82 متاثرین کیساتھ دوسرے جبکہ ملتان71 حادثات میں 76متاثرین کیساتھ تیسرے نمبرپررہا۔ کل 1163 متاثرین میں 951مرد اور212خواتین شامل ہیں۔ زخمیوں میں 213افراد کی اوسط عمر18 سال سے کم، 557افراد کی اوسط عمر 18سے 40سال کے درمیان جبکہ  393زخمی افراد کی اوسط عمر 40سال سے زائد ہے۔ بیشتر واقعات میں 937 موٹرسائیکلز، 59 آٹورکشے، 123 کاریں، 22وین 9 مسافر بسیں، 23ٹرک اور92دوسری اقسام کی گاڑیاں شامل ہیں۔