پیپلز پارٹی قوم سے وعدے نبھانے والی جماعت ہے،سید نیر بخاری 

 اسلام آباد( خبرنگار ) سابق چیئرمین سینٹ سیکر ٹر ی جنرل پیپلز پارٹی سید نیر بخاری سے یونائیٹڈ کونسل آف چرچز کے عہدیداروں نے ملاقات کی ۔ عہد یداروں کی طرف سے پیپلز پارٹی کی حمایت کا فیصلہ کیا گیا۔ پیپلز پارٹی اسلام آباد کے سینٹرل سیکرٹریٹ میں ایک سو آٹھ چرچز کے نمائندگان نے پادری سیمسن سہیل کی قیادت میں ملاقات کرکے باقاعدہ طور پر ملک بھر میں پیپلز پارٹی کے امیدواروں کی حمایت کا اعلان کیا۔ نیر بخاری نے معززین پادری کو خوش آمدید کہتے ہوئے انکا شکریہ ادا کیا انہوں نے کہا کہ پیپلز پارٹی نے بے نظیر دور میں اسلام آباد میںکریسچن آبادیوں کو مالکانہ حقوق دئیے ۔پیپلز پارٹی کا واضح موقف ہے کچی آبادیوں کو مالکانہ حقوق دیں گے ، پیپلز پارٹی وعدے نبھانے والی جماعت ہے ۔پیپلز پارٹی نے کرسچن کمیونٹی کے لئے شہر میں قبرستان دیا بہارہ کہو اسلام آباد میں دوسرا قبرستان دیا ہے۔آئین پاکستان ہر شہری کے برابر حقوق فراہم کرتا ہے ۔۔سید سبط الحیدر بخآری کریسچن کالونیوں کی خدمت میں پیش پیش رہتے ہیں اس موقع پر پیپلز پارٹی منارٹی ونگ اسلام آباد کی صدر ندا نزیر صائمہ،حسیب راجہ پاسٹر سیمسن سہیل پاسٹر عنایت پاسٹر مشتاق عمران شکیل،منصور نعیم اسلم کیانی راجہ نورالہی افتخار شہزادہ اور ملک اجمل بھی موجود تھے ۔