گوجرانوالہ( نمائندہ خصوصی)نواز شریف نے موٹر ویز بنائیں دہشت گردی کا خاتمہ کرکے ملک کو امن کا گہوارہ بنایا ،لوڈشیڈنگ کا خاتمہ کرکے اندھیروں کو اجالوں میں بدل دیا عوام ملکی خوشحالی اور ایک بار پھر ملک کو ترقی کی راہ پر گامزن کرنے کے لیے8فروری کو شیر کے نشان پر مہر لگائیں، رائو برادران میرے دست و بازو ہیں مسلم لیگ ن میں شمولیت پر ان کا شکریہ ادا کرتا ہوںان خیالات کا اظہار امید وار پی پی 59 بیرسٹربلال فاروق تارڑ نے رائو برادران سابق ناظم اروپ ٹائون رائو اکرام علی خاں ،رائو کامران علی خاں ،رائو عرفان علی خاں ،رائو عامر رضوان ،رائو علی حیدر خاں ،رائو حمزہ علی خاں ،رائو علی حر خاں رائو مصحف علی خاں کی زیر سرپرستی منڈیالہ وڑائچ میں رہائشگاہ پر جلسہ سے خطاب کرتے ہوئے کیا۔ سابق ناظم اروپ ٹائون رائواکرام علی خاں،رائو کامران علی خاں ایڈووکیٹ نے کہا ہم نے مسلم لیگ میں شمولیت تارڑ برادران کی شرافت کی بنا پر کی ہے ۔ اس موقع پر منڈیالہ وڑائچ کے سابق چھ کونسلروں نے بلا ل فاروق تارڑ کی حمایت کا اعلان کیا جن میںجنرل کونسلر ادریس بٹ ،بیگم نرگس ادریس بٹ لیڈی کونسلر ،کونسلر خلیفہ شفیق ،لیڈی کونسلر بیگم یاسین بٹ،اقلیتی کونسلر خالد مسیح،سابق کونسلر حاجی مجید قیصر شامل ہیں۔