میں اگر کوئی کام کرتا ہوں تو وہ سب کیلئے ہوتا ہے،راجہ پرویز اشرف

بیول(نامہ نگار)میں اگر کوئی کام کرتا ہوں، منصو بہ دیتا ہوں تو وہ سب کیلئے ہوتا ہے سب کا فائدہ ہوتا ہے لیکن جب ووٹ کی باری ہو تو آدھے مجھے دو اور آدھے نہ دو۔ اس کا نقصان آپ کو ہو گا۔فیصلہ آپ نے کرنا ہے کون اہل ہے۔ میں وعدہ کرتا ہوں 200 بیڈ کا ہاسپٹل ہو گا۔ ڈائلاسیز سینٹر ہو گا، گیس گھر گھر ہو گی۔ ان خیالات کا اظہار پی پی پی کے رہنما و امیدوار برائے قومی اسمبلی راجہ پرویز اشرف نے چنگا بنگیال میں ایک بہت بڑے اجتماع سے خطاب میں کیا۔پاکستان پیپلز پارٹی چنگا بنگیال کے رہنما راجہ زاہد خورشید،راجہ جاوید اور دیگر نے انتخابی مہم کے سلسلے میں ایک جلسہ کا انعقاد کیا جس میں پاکستان پیپلز پارٹی کے رہنما راجہ پرویز اشرف، راجہ خرم پرویز نے شرکت کی۔راجہ خرم پرویز نے اپنے خطاب میں کہا کہ فیصلہ صرف خدمت اور کارکردگی کی بنیاد پر کرنا ہے۔ فیصلے ٹھیک کریں گے تو نتیجہ ٹھیک آئے گا۔راجہ زاہد خورشید نے کہا کہ گھی اور پراٹھوں کا انتظام راجہ پرویز اشرف کرے اور چوری کھانے کوئی اور آ جائے، اب یہ نہیں ہو گا۔گرلز ڈگری کالج چنگا بنگیال،پاسپورٹ آفس،نادرا آفس، گھر گھر گیس،یہ سب منصوبے راجہ پرویز اشرف کے اور ووٹ کسی اور کو،نہیں اب یہ نہیں ھو گا۔