ننکانہ :این اے 112 شذرہ منصب کی انتخابی ریلی کا پرتپاک استقبال ، نوٹوں کی بارش 

 ننکانہ صاحب+منڈی فیض آباد( نامہ نگاران)ننکانہ میں مسلم لیگ (ن )کے زیراہتمام این اے 112 میں انتخابی ریلی پر نوٹوں کی بارش کر دی گئی۔ ڈاکٹر شذرہ منصب علی کھرل کی زیر قیادت ریلی نکالی گئی ریلی میں مسلم لیگی کارکنوں اور شہریوں کی بڑی تعداد نے شرکت کی ریلی کے شرکاءکا جگہ جگہ پرتپاک استقبال کیا گیا۔ شرکاءنے ڈاکٹر شذرہ منصب علی کھرل پر نوٹوں کی بارش کر دی ۔ریلی مختلف علاقوں سے ہوتی ہوئی گوردوارہ جنم استھان کے سامنے اختتام پذیر ہوئی۔علاوہ ازیںاین اے 112سے امیدوار ڈاکٹر شذرہ منصب نے کارنرمیٹنگ سے خطاب کرئے ہوئے کہا ہے کہ ہم برسر اقتدار آکر حلقے کے ادھورے کام نمٹائیں گے۔ میرے والد رائے منصب علی خاں نے اس علاقے کے عوام کی خدمت عبادت سمجھ کر کی ہے اور میں بھی ان کے نقش قدم پر چل کر ترقیاتی کام کروں گی۔
 اس موقع پر سابق ایم پی اے اور حلقہ پی پی 134کے امیدوار مہر کاشف پڈھیار نے کہا کہ میں اپنے حلقے میں پہلے بھی دو مرتبہ ایم پی اے رہا ہوں اور آئندہ بھی میاں نواز شریف کے ویثرن کو سامنے رکھتے ہوئے کامیاب ہو کر خدمت کریں۔