لاہور قلندرز پی ایس ایل 9میں اچھا پرفارم کریگی : عاطف رانا 

لاہور(سپورٹس رپورٹر)پاکستان سپر لیگ فرنچائز لاہور قلندرز کے چیف ایگزیکٹیو آفیسر عاطف رانا اپنی ٹیم کی پی ایس ایل 9 میں بہترین پرفارمنس کےلئے پ±راعتماد ہیں۔ انہوں نے کہا کہ لاہور قلندرز بہترین پرفارم کرے گی۔بچوں کوچانس دے رہے ہیں جو 3 سال سے ہمارے پرفارمنس سینٹرمیں کھیل رہے ہیں۔ امید ہے پاکستان کو نئے کھلاڑی دیں گے۔ فریدون، سلمان اور احسن ہمارے پاس اچھے کھلاڑی ہیں۔ پاکستان سپر لیگ ایسا ایونٹ ہے جس کو پوری دنیا دیکھتی ہے، لوگ پی ایس ایل 9 کا بے صبری سے انتظار کر رہے ہیں۔ علی ظفر سے گانا گنوانے کا فیصلہ پاکستان کرکٹ بورڈ کا ہے۔