لاہور(سپورٹس رپورٹر) نیزا آرم ریسلنگ چیمپئن شپ سیزن 2 میں ملک کے ایلیٹ آرم ریسلرز نے نوجوانوں اور سینئر ویٹ 'کیٹیگریز' کے ابھرتے ہوئے ٹیلنٹ کےساتھ مسٹر پاور آرم کے ٹائٹل کےلئے مقابلہ کیا۔راو¿نڈ 1 کی کامیاب تکمیل کے بعد، اب راو¿نڈ 2 انہی کیٹیگریز میں 10 فروری 2024 کو نیزا گلبرگ برانچ میں منعقد کیا جائےگا جبکہ گرینڈ فائنل راو¿نڈ 2 کے بعد ہوگا، جہاں ہر راو¿نڈ سے جیتنے والے اپنے متعلقہ وزن کیٹیگریز میں مسٹر پاور آرم ٹائٹل کےلئے مقابلہ کریں گے۔راو¿نڈ 1 میں -85 کلوگرام یوتھ کیٹیگری میں قاسم، عبدالعزیز، محراب خان اور ریحان فاتح رہے۔60 کلوگرام یوتھ کیٹیگری کے ابتدائی ایلیمینیشن راو¿نڈ کے فاتحین میں معاز، ارحم، حذیفہ، شہریار اور واحد شامل تھے۔
 جبکہ 85 کلوگرام یوتھ کیٹیگری میں علی حمزہ، حسن بٹ، رانا اکبر، مبشر، اور حذیفہ امجد نے فائنل میں جگہ حاصل کی۔ 75 کلوگرام یوتھ کیٹیگری میں، ایلیمینیشن کے پہلے راو¿نڈ میں عاطف، عادل پپو، نعیم سلطان اور امیر حمزہ نے فتح حاصل کی۔