پیر پگارا کو آج صبح کراچی کے مقامی ہسپتال سے جناح انٹرنیشنل ایئرپورٹ منتقل کیا گیا ، ہسپتال سے ایئر پورٹ روانگی کے وقت مریدوں کی بڑی تعداد پیر پگارا کی ایک جھلک دیکھنے کیلئےبیتاب تھی ، مریدوں کی جانب سے دعاؤں کا سلسلہ بھی جاری رہا ، ایئرپورٹ پر پیرپگارا کی اہلیہ ، پیرصبغت علی راشدی ، جام مدد علی اور امتیاز شیخ بھی انکے ہمراہ موجود تھے، پیر صاحب پگارا کو رائل ایئر اینمبولینس کے ذریعے براستہ استنبول لندن لے جایا جائے گا، رائل ایئر ایمبولینس میں تمام طبی سہولیات موجود ہیں ،میڈیکل بورڈ نے گزشتہ روز یہ فیصلہ کیا تھا کہ پیر پگارا کی طبعیت سفر کیلئے بہتر ہے میڈیکل بورڈ کی ٹیم میں آغا خان ہسپتال،ڈاو میڈیکل کالج اورپمز ہسپتال کے سینیئرڈاکٹرز شامل تھے۔ دوسری طرف ایک بیان میں ایم کیو ایم کےقائد الطاف حسین پیرپگارا کی جلد صحت یابی کیلئے دعا کی ہے۔ بیان میں الطاف حسین نے حق پرست کارکنوں اورپیرپگارا کے تمام مریدوں اور عقیدت مندوں سے اپیل کی ہے کہ وہ پیر پگارا کی جلد صحت یابی کیلئے اللہ تعالی کے حضور خصوصی دعا کریں