لاہور (سپورٹس رپورٹر+ نمائندہ سپورٹس) لاہور پولو کلب کے زیراہتمام ڈائمنڈ پینٹس پاکستان پولو کپ 2016ء کا لاہور پولو گرائونڈ میں آغاز ہوگیا۔ پہلے روز ایک میچ کھیلا گیا جس میں آرمی ری مائونٹس نے گارڈ گروپ کو 8-2 سے ہرا دیا۔ اس میچ کی خاص بات پاکستان پولو ایسوسی ایشن کے صدر جنرل اسفند یار پٹودی بھی آرمی ری مائونٹس کی ٹیم میں شامل تھے۔ دونوں ٹیموں کے درمیان دلچسپ پولو میچ کھیلا گیا۔ آرمی ری مائونٹس کی طرف سے جنرل اسفند یار پٹودی نے تین گول سکور کیے ۔ پاکستان پولو ایسوسی ایشن کے کیلنڈر کے تحت قومی ایونٹ پاکستان کپ میں سات ٹیمیں شامل ہیں۔ پول اے میں ماسٹرپینٹس/نیوایج ، گارڈ گروپ اور آرمی ری مائونٹس کی ٹیمیں شامل ہیں جبکہ پول بی میں ڈائمنڈ پینٹس، زیڈ ٹی بی ایل، آرمی وائٹس اور پولو ڈی صوفی کی ٹیمیں شامل ہیں۔