لاہور(سپورٹس رپورٹر+ نمائندہ سپورٹس) بھارت میں ہونے والی ساوتھ ایشین گیمز کے لیے پاکستان کا 414 رکنی دستہ شرکت کرے گا۔ پاکستانی دستہ 20 کھیلوں میں حصہ لے گا۔ ماسوائے ریسنگ کے پاکستان کی ویمنز ٹیمیں تمام ایونٹس میں حصہ لینگے۔ 12 ویں ساوتھ ایشین گیمز 5 سے 16 فروری تک بھارت کے شہر گوہاٹی اور شیلنگ میں ہونگی۔ پاکستان دستہ میں 322 مرد و خواتین کھلاڑی جبکہ 92 آفیشلز شامل ہیں۔ جن کھیلوں میں پاکستانی کھلاڑی حصہ لینگے ان میں آرچری، اتھلیکٹس، بیڈمنٹن، باسکٹ بال، باکسنگ، سائیکلنگ، ہینڈ بال، ہاکی، کبڈی، کوہ کوہ، شوٹنگ، سکواش، سوئمنگ، ٹیبل ٹینس، تائکوانڈو، ٹینس، والی بال، ویٹ لیفٹنگ، ریسلنگ اور ووشو شامل ہیں۔