ہالی وڈ کی نئی فلم”ڈونٹ ناک ٹوائس“کا پہلا ٹریلر جاری کر دیا گیا ۔کیرا ڈوگ جیمز کی ہدایتکاری میں بننے والی اس سنسنی خیز فلم کی کہانی ایک ایسے خطرناک اور پر اسرارواقعات کے گرد گھومتی ہے جس میں ایک چڑیل گھر سے لاپتہ ہو جانے والی ایک لڑکی کو اپنے قبضے میں لے لیتی ہے اور پھر یہ لڑکی گھر واپس لوٹنے کے بعد اپنی فیملی کی جان کی دشمن بن جاتی ہے۔نک میرن اور کلیئر مورسم کی مشترکہ پروڈیوس کردہ اس فلم میں ہالی وڈ اداکارکیٹی سیکوف، لوسی بینٹون، جیویر بوٹیٹ، نک مورن، جورڈن بولگر، پونے ہاجی موہماندی، رچرڈ میلن، میگن پیروس اورگیبریل ٹرمبل اہم کرداروں میں جلوہ گر ہو رہے ہیں۔خوف و دہشت اور سنسنی سے بھرپور یہ فلم ریڈ اینڈ بلیک فلمز کے تحت رواں سال سنیما گھروں کی زینت بنانے گی تاہم حتمی تاریخ کا اعلان بعد میں کیا جائے گا۔