کراچی( کرائم رپورٹر) رینجرز کی اندرون سندھ کراچی کے مختلف علاقوں میں کارروائیاں،آٹھ ملزمان کو گرفتار کرکے اسلحہ ،ایمونیشن او رمسروقہ سامان برامد کرلیا۔ رینجرز کے ترجمان کے مطابق اندرون سندھ ، دادو سے ڈکیتی اور قتل کی وارداتوں میں ملوث ملزم سلطان چانڈیو کو گرفتار کرلیا گیا۔ کراچی کے علاقے گارڈن سے ٹارگٹ سمیت مختلف جرائم میں ملوث ایم کیو ایم لندن کے کارکن راشد احمد عرف منا کی گرفتاری عمل میں لائی گئی۔ جمشید کوارٹر اور عوامی کالونی میں چھاپے مار کر اسٹریٹ کرائم میں ملوث تین ملزمان امیر حمزہ ، عابد حسین اور جمیل احمد کو گرفتار کیا گیا جب کہ جمشید کوارٹر سے غیر قانونی طور پر قیام پذیر تین افغان باشندوں سلام، دائود شاہ اور عبدالخالق کو گرفتار کیا گیا۔
کراچی/ اندرون سندھ