سٹار فٹبالر کاکا اور لوئیس فیگو 10 جنوری کو پاکستان پہنچیں گے

لاہور(سپورٹس رپورٹر+نمائندہ سپورٹس)فٹبال کے دو عالمی سٹاربرازیل کے کاکا اور پرتگال کے سابق کپتان لوئیس فیگو 10 جنوری کو پاکستان پہنچیں گے ‘وہ کراچی اور لاہور میں مداحوں سے ملیں گے اور ورلڈ سوکر سٹارز کا افتتاح بھی اعلان کریں گے۔ورلڈ سوکر سٹارز کے دو میچز 26 اور 29 اپریل کو کراچی اور لاہور میں ہوں گے جس میں فیگو اور کاکا کے علاوہ دیگر سپر سٹار فٹبالرز بھی ایکشن میں ہوں گے۔ کاکا کا کہنا ہے کہ وہ پاکستان آنے کے لیے کافی خوش ہیں وہ یہاں آکر فٹبال کا نیا ٹیلنٹ بھی تلاش کریں گے جبکہ فیگو کا کہنا ہے کہ وہ پہلی بار پاکستان آئیں گے، امید ہے کہ 22 کروڑ والی آبادی والے ملک میں فٹبال کا اچھا ٹیلنٹ ملے گا۔ دورے سے پوری دنیا میں پاکستان کی مثبت امیج جائے گی۔