لاہورسے رائیونڈ تک پسنجر شٹل ٹرین کا افتتاح

رائے ونڈ (نامہ نگار)لاہورسے رائے ونڈتک چلنے والی پسنجر شٹل ٹرین کاافتتاح کردیا گیا ،شٹل ٹرین کے رائے ونڈ پہنچنے پرعوام نے اس کا شاندار استقبال کیا ،اس موقع پر سیاسی و سماجی رہنمائوں کے ساتھ مقامی تاجروں اور تبلیغی جماعت کے کارکنوں کی کثیر تعداد بھی موجود تھی ۔شہریوں نے ٹرین کے ڈرائیور کو پھولوں کے ہار پہنائے ،پریم یونین کے مرزا خضر حیات ،چودھری مختار احمد رامے ،ڈاکٹر طاہر یاسین ،عاصم خاں عاصی ،اسٹیشن ماسٹر چودھری گلزار احمد سمیت دیگرشہریوں نے شٹل ٹرین کی رائے ونڈسروس شروع کروانے میں پریس کلب رائے ونڈ کے جنرل سیکرٹری آصف نعیم شیخ کی کوششوں کے اعتراف میں ان کے ہاتھوں سے ٹرین کے استقبال کا ربن کاٹا گیا ۔