لاہور (نمائند ہ خصوصی) شہر میں متعددوار داتوں میں شہری لاکھوں روپے مالیت کی نقدی زیورات اور دیگر قیمتی اشیاء سے محروم ہوگئے۔ ذرائع  کے مطابق فیصل ٹاؤن میں عارف کو ڈاکوؤں نے گن پو ائنٹ پر کا ر میں روک لیا اور اس سے موبائل فون اور ڈیڑ ھ لا کھ روپے نقدی لوٹ کر فرار ہو گئے۔ مصطفیٰ آباد میں نثار کے اہل خانہ سے تین ڈاکو 2لاکھ 10ہزار مالیت کی نقدی، زیورات اور دیگر قیمتی اشیاء لوٹ کر فرار ہو گئے۔ قائداعظم انڈسٹریل ایریا میں سر ور کے گھر سے تین ڈاکو 1لاکھ 40ہزار کی نقدی اور طلائی زیورات، شمالی چھاؤنی میں ڈاکوؤں نے ظہیر سے90ہزار کی نقدی، ہربنس پورہ میں ڈاکوؤں نے شبیر سے70ہزار، مصری شاہ میں ڈاکوؤں نے اسلم سے 40ہزار روپے مالیت کی نقدی، نواںکوٹ میں ڈاکوؤں نے یو سف سے 80ہزار، نیو انا ر کلی میں ڈاکوؤں نے سلیم سے60ہزار روپے مالیت کی نقدی و موبائل، ستو کتلہ میں ڈاکوؤں نے احمد سے50ہزار روپے مالیت کی نقدی و موبائل چھین لیں۔ رائے ونڈ اور ملت پارک سے گاڑیاں جبکہ شیرا کوٹ، اقبال ٹاؤن، ہربنس پورہ، ماڈل ٹاؤن، راوی روڈ سے موٹر سائیکلیں چوری کر لی گئیں۔