مریم نواز نے نواسی کیلئے چیزیں خریدیں، کچھ پرویز رشید نے کھا لیں 

لاہور (نوائے وقت رپورٹ)  مریم نواز نے بہاولپور سے لاہور واپسی کے دوران خصوصی طور پر رک کر اپنی نواسی کیلئے چیزیں خریدیں۔ سوشل میڈیا پر جاری ویڈیو میں میں دیکھا  جاسکتا ہے کہ مریم نواز ویڈیو کال پر اپنی نواسی سیرینا سے بات کررہی ہیں اور انہیں کھلونے دکھا رہی ہیں۔ مریم نواز نے اس ویڈیو پر لکھا کہ یہ نانی بننے کی خوشی اور لطف ہے، شکر الحمدللہ۔ کچھ دیر بعد مریم نواز نے سینیٹر پرویز رشید کی گاڑی میں بیٹھے تصویر شیئر کی جس میں وہ چپس کھاتے دکھائی دے رہے ہیں۔ مریم نے اس تصویر کے کیپشن میں لکھا کہ ’پرویز انکل وہ چیز کھا رہے ہیں جو میں نے سیرینا کیلئے خریدی تھی‘۔