لاہور(سپورٹس رپورٹر) لاہور میں پہلی موئے تھائی لیگ کا انعقاد کیا گیا۔ ملک بھر سے شریک50 سے زائد کھلاڑیوں نے مارشل آرٹس کا شاندار مظاہرہ کیا۔ فاتح کھلاڑیوں کو انعامات سے نوازا گیا۔ پاکستان موئے تھائی فیڈریشن کے زیر اہتمام  ماڈل ٹاون میں مکس مارشل آرٹس کے مقابلے ہوئے۔  35 کلو گرام سے لیکر 90 کلوگرام کیٹگری میں فائٹس ہوئیں۔ خواتین کے مقابلوں میں ارباب جمیل نے مریم کاشف کو شکست دی۔ 35 کلوگرام کیٹگری میں معیز ذیشان نے محمد روحان کو ہرایا۔ 70 کلوگرام  کے مقابلے میں حسنات نے مجاہد کو ناک آوٹ کیا۔