لاہور (سپورٹس ڈیسک ) نیوزی لینڈ اور بنگلہ دیش کے درمیان کھیلے جارہے پہلے ٹیسٹ میچ میں مہمان ٹیم کا پلہ بھاری ہے۔ماونٹ منگنوئی میں ٹیسٹ کے چوتھے دن بنگلہ دیش نے نیوزی لینڈ کے دوسری اننگز میں 5 کھلاڑی 147 رنز پر آئوٹ کردیئے ہیں۔میزبان ٹیم کو دوسری اننگز میں 17 رنز کی برتری حاصل ہوگئی جبکہ ان کی 5 وکٹیں باقی ہیں۔ نیوزی لینڈ ٹیم نے اپنی پہلی اننگز میں 328 رنز بنائے تھے جبکہ بنگلہ دیش کی ٹیم پہلی اننگز میں 458رنز بنا کر آئوٹ ہوئی تھی۔دونوں ٹیموں کے درمیان سیریز کا دوسرا اور آخری ٹیسٹ میچ 9 جنوری سے شروع ہوگا۔